喺 Campfire 開設嘅初期，我哋曾經同 IGO Sports 合力製作一條宣傳短片，旨在加深大家對共享空間嘅認識，吸引創業家同自由工作者加入 Campfire，讓佢哋能夠喺舒適寬敞嘅工作環境認識同互相交流。我哋拍攝咗 Campfire 內不同類型嘅空間同設施，並喺畫面上配以動態文字同圖像，以逐一介紹每個角落，展現出 Campfire 係一個融合多元文化、充滿創意同活力嘅小社區。

感謝客戶對我哋嘅信任，畀到我哋一個理想工作環境同廣闊嘅創作自由度。哩條片由製片、寫稿、置景、拍攝、剪接、平面設計及動態圖像都係我哋一手策劃，唔知 Campfire 嘅共享空間又啱唔啱你？